अत्तरिया – कैलालीको गोदावरीबाट लागुऔषध खैरो हिरोइन सहित एक युवक पक्राउ परेका छन । गोदावरी नगरपालिका –५ गेटी बस्ने २८ बर्षिय नबिन चौधरी लागुऔषध सहित पक्राउ परेका हुन ।
शुक्रबार साँझ इलाका प्रहरी कार्यालय मालाखेती र गेटा चौकीबाट खटीएको शयुक्त प्रहरी टोलीले चौधरीको घरबाट लागुऔषध बरामद गरेको जनाइएको छ ।
विशेष सूचनाको आधारमा चौधरीको घरमै खानतलासी गर्दा ४ ग्राम २७० मिलिग्राम लागु औषध खैरो हेरोईन जस्तो देखिने धुलो पदार्थ र डिजीटल तराजु बरामद गरिएको इलाका प्रहरी कार्यालय मालाखेतीले जनाएको छ ।
लागुऔषध सहित पक्राउ परेका चौधरीलाई इलाका प्रहरी कार्यालय मालाखेतीमा राखि थप अनुसन्धान भइरहेको प्रहरीले छ ।
