धनगढी- धनगढी उपमहानगरपालिका भित्रका सामुदायिक विद्यालयमा अध्ययन गर्ने विद्यार्थीहरुको ड्रेस कोड एउटै हुने भएको छ ।
उपमहानगरको १५ गते बसेको शिक्षा समितिको बैठकले एकरुपता ल्याउनका लागि सामुदायिक विद्यालयका विद्यार्थीहरुको ड्रेस कोड एउटै तोक्ने निर्णय गरेको हो ।
ड्रेस कोड के कस्तो तोक्ने भन्ने विषयमा सामुदायिक विद्यालयहरुलाई आगामी मंसिर १५ गतेभित्र विवरण पेस गरिसक्न समयसीमा पनि तोकिएको छ ।
उपमहानगरभित्र हाल ७२ वटा सामुदायिक विद्यालय सञ्चालनमा छन् ।