अत्तरिया – कैलालीको गोदावरी नगरपालिका–१ धनगढी रोडमा रहेको तरकारी हाटबजारबाट लागुऔषध सहित १ जना पक्राउ परेका छन । लागुऔषध सहित मंगलबार साँझ स्थानीय २३ वर्षीय तेज साँउद पक्राउ परेका हुन ।
इलाका प्रहरी कार्यालय मालाखेतीबाट खटिएको सादा पोषाकको प्रहरी टोलीले साउँदलाई ४०० मिलिग्राम लागुऔषध सहित पक्राउ गरेको थियो ।
उनीमाथि थप अनुसन्धान भइरहको जिल्ला प्रहरी कार्यालय कैलालीले जनाएको छ ।
यस्तै धनगढी उपमहानगरपालिका–३ ब्यारेलबाट ७०० मिलिग्राम लागुऔषधसहित धनगढी–८ का २१ वर्षीय राहुल राना र २० वर्षीय अरुण राना पक्राउ परेका छन् ।