बैतडी – बैतडीको मालिका माध्यमिक विद्यालयको प्रधानाध्यापकमा हरिचन्द्र भट्ट सर्वसम्मत रुपमा चयन भएका छन । जिल्लाको पुर्चौडी नगरपालिका वडा. नं. ४ मा अवस्थित उक्त विद्यालयको प्रधानाध्यापकमा भट्टलाई सर्वसम्मत रूपमा चयन गर्ने निर्णय गरिएको हो ।
केही दिन अगाडी मात्रै उक्त विद्यालयका प्रधानाध्यापक कृष्णानन्द भट्ट अनिवार्य अवकाश (निवृत्त भरण) मा गएपछि सोही विद्यालयमा नि.मा.वि. राहत कोटामा कार्यरत अङ्ग्रेजी विषयका शिक्षक भट्टलाई प्रधानाध्यापकमा नियुक्त गरिएको छ ।
वि.सं २०१६ सालमा स्थापना भएको उक्त विद्यालयले यस अघि ६ जना प्रधानाध्यापक पाई सकेको छ भने हरिचन्द्र भट्टले सातौँ प्रधानाध्यापकको रूपमा जिम्मेवारी ग्रहण गरेका छन । मालिका मा.वि व्यवस्थापन समितिका अध्यक्ष ओम प्रकाश भट्टको अध्यक्षतामा बसेको बैठकले उनलाई उक्त जिम्मेवारी दिएको हो ।