कैलाली – कैलालीमा भरुवा बन्दुक सहित एक जनालाई प्रहरीले नियन्त्रणमा लिएको छ । जिल्लाको कैलारी गाउँपालिका – ८ पृथ्वीपुरका ५५ वर्षिय दयाराम चौधरीलाई प्रहरीले नियन्त्रणमा लिएको हो ।
उनको घरबाट दुई थान एकनाले भरुवा बन्दुकसहित चार डिब्बा बारुद, ३६ थान गोली, २४ वटा सिसा, आठवटा केप र एक थान कम्पास लुकाइछिपाई राखेको अवस्थामा बरामद गरिएको प्रहरीले जनाएको छ ।
चौधरीलाई नियन्त्रणमा लिएर अनुसन्धान गरिरहेको प्रहरीले बताएको छ ।