बैतडी – बैतडीमा बैंकमा काम गर्ने एक जना महिला कर्मचारी माथि कुटपिट भएको छ । शनिवार जिल्लाको सिगास गाउँपालिका– २ मा रहेको कृषि विकास बैंकमा कार्यालय सहयोगीको रुपमा कार्यरत २८ वर्षिया सुसिला धामीमाथी कुटपिट भएको हो ।
सोही गाउँपालिका वडा नं. १ का २८ वर्षीय केशव धामीले उनलाई कुटपिट गरेको प्रहरीले जनाएको छ । प्रहरीका अनुसार शनिवार दिउँसो गाजरी बजारमै सुशिलामाथि कुटपिट भएको र कुटपिट गर्ने धामीलाई पक्राउ गरिएको छ ।
केशवले मदिरा सेवन गरी कुटपिट गरेको प्रहरीले जनाएको छ । महिलाको अनुहारलगायत शरीरमा चोट लागेको छ । घटनाबारे थप अनुसन्धान भइरहेको बैतडी प्रहरीले बताएको छ ।
