दार्चुला – भारतमा जारी इन्डियन प्रिमियर लिग (आईपिएल) मा सट्टेबाजी गरेको आरोपमा प्रहरीले दार्चुलाका ४ जनालाई पक्राउ गरेको छ ।
जिल्लाको महाकाली नगरपालिका वडा नम्बर ४ तिंकर खेडाबाट जनक बडाल, नवीन अवस्थी, बिरू बुढाथोकी र ईन्द्र सिंह ऐरी लाई आईपिएलमा सट्टेबाजी गरेको आरोपमा पक्राउ गरेको प्रहरीले जनाएको छ ।
जिल्ला प्रहरी कार्यालय दार्चुलाका अनुसार उनीहरूलाई तीन लाख ५६ हजार ४ सय २० रुपैयाँसहित पक्राउ गरिएको हो ।
उनीहरूमाथि अदालतबाट म्याद थप गरी अनुसन्धान थालिएको बताईएको छ ।
