दार्चुला – दार्चुला हिमपहिरोमा बेपत्ता डोटीको जोरायल गाउँपालिका–२ की १५ वर्षीया छिमी सोमो थापाको शव भेटिएको छ । बुधबार छाङरुमा रहेको सशस्त्र प्रहरी बल नम्बर–५० गुल्मबाट खटिएको सशस्त्र प्रहरी बलको टोलीले बेपत्ताहरूको खोजी गरिरहेकोमा छिमीको शव फेला पारेको हो।
यसअघि अन्य ४ जनाको शव फेला परेको ठाउँबाट करिब २ सय मिटर तल थापाको शव फेला परेको प्रहरीले जनाएको छ। पोस्र्टमार्टमका लागि छिमीको शव भारतको बाटो हुँदै जिल्ला अस्पताल दार्चुला आज पुग्ने प्रहरीले बताएको छ।
यो संगै हिमपहिरोमा बेपत्ता भएका पाँचै जनाको शव फेला परेको छ। दार्चुलाको ब्याँस गाउँपालिका–१ भोलुममा वैशाख १९ गते गएको हिमपहिरोमा परेर ५ जना बेपत्ता भएका थिए। ७ जनाले भागेर ज्यान जोगाएका थिए।
