अत्तरिया – कैलालीको गोदावरी नगरपालिका – २ वनखेतमा रहेको शिव मन्दिरमा गायत्री महायज्ञ सुरु भएको छ । प्रज्ञाअभियान गायत्री परिवार अत्तरियाको आयोजनामा विराट २४ कुण्डीय गायत्री महायज्ञ आयोजना गरिएको हो ।
बैशाख ३० गते पुर्णावति विदाई गरेर समापन हुने महायज्ञको पहिलो दिन आज शोभा कलश यात्रा निकालिएको छ । महायज्ञ अन्तरगत बैशाख २८ गते देव आसान, पुजन र बैशाख २९ गते संस्कार गरिने आयोजक प्रज्ञाअभियान गायत्री परिवार अत्तरियाका अध्यक्ष कृष्ण प्रशाद जोशीले बताएका छन ।
प्रज्ञाअभियान गायत्री परिवार उपजोन (सुदूरपश्चिम) प्रमुख डा. विष्णु कान्त पन्तले अहिले हराउँदै गएका संस्कारको पुनस्थापना गर्नको लागि महायज्ञ आयोजना गरिएको बताए ।
उनले व्यक्ति निर्माण, परिवार निर्माण, समाज निर्माण, आत्मीयता– दया– सद्भाव, सहयोग, सहकार्य र परोपकारको भावना, धर्म– संस्कृती एवं परम्परागत मान्यताहरुको विवेकपूर्ण संरक्षण लगायतका ज्ञान महायज्ञमा प्राप्त गर्न सकिने बताए ।
भिडियो