दार्चुला – दार्चुलामा बालुवा लोड गरेक ट्याक्टर दुर्घटना हुँदा ४ जना घाइते भएका छन । शैल्यशिखर नगरपालिका –२ रौतडा भन्ने भित्रि सडक खण्डमा देथलाबाट बालुवा लोड गरेर रौतडा तर्फ जाँदै गरेको सुप –प्र ०१००२ त ६१६० नम्बरको ट्याक्टर दुर्घटना हुँदा चालक सहित चार जना घाइते भएका हुन ।
ट्याक्टर दुर्घटनामा बैतडीको डिलाशैनी गाउँपालिका मौनि बस्ने १९ वर्षिय चालक गोपाल सिंह धामी, सह चालक डिलाशैनी ३ कुनथला बस्ने २५ वर्षिय कपिल बोहरा, ट्याक्टरमा सवार दार्चुलाको सालिखेत बस्ने ५७ वर्षिय प्रेम सिंह धामी, सोही ठाउँ बस्ने बस्ने १४ वर्षिय प्रशान्त धामी घाइते भएका छन ।
सामान्य उपचारपछि घाइते सबैजनाको घर फर्किसकेको जिल्ला प्रहरी कार्यालय दार्चुलाका प्रहरी निरीक्षक प्रहरी प्रवक्ता ज्ञानेन्द्रबहादुर सिंहले बताए । ट्याक्टर अनियन्त्रित भएर सडकबाट सय मिटर तल खसेको थियो ।
