अत्तरिया – कैलालीको अत्तरियामा रहेको न्यू बुद्ध डेण्टल र गोदावरी बहुउद्देश्यीय सहकारी लिमिटेड बीच स्वास्थ सेवा दिने सम्बन्धमा सम्झौता भएको छ । आइतबार डेण्टलका निर्देशक खेम राज जोशी र सहकारीको तर्फबाट संस्थाका प्रमुख डिल्ली राज पनेरु बीच उक्त सम्झौता भएको हो ।
सम्झौता अनुसार अब सहकारी संस्थाका कर्मचारी, ग्राहक (शेयर सदस्य) र सदस्यका परिवारहरुले उक्त डेण्टलबाट उपलब्ध गराइने दाँत सम्बन्धी सेवाहरुमा बिशेष छुट पाउने छन । त्यसका लागि संस्थाले आफ्ना कर्मचारी शेयर सदस्यहरुको विवरण डेण्टललाइ उपलब्ध गराउने छ ।
सदस्यहरुलाई विभिन्न किसिमका सुबिधाहरु उपलब्ध गराउन सहकारीले विभिन्न किसिमका यस्ता कार्यक्रम गर्दै आइरहेको संस्थाका प्रमुख डिल्ली राज पनेरुले जानकारी दिए ।
