कञ्चनपुर – कञ्चनपुरमा सशस्त्र प्रहरीका सईमाथी खुकुरी प्रहार भएको छ ।
दोधारा चाँदनी नगरपालिकाको बोर्डर आउट पोस्ट (बीओपी) मा ड्युटीमा खटिएका कञ्चनभोजस्थित बीओपीका प्रमुख सई नरेन्द्र चैंसिरमाथि खुकुरी प्रहार भएको हो ।
पोस्टनजिकै शुक्रबार राति साढे १० बजे ४/५ जनाको अज्ञात समूहले सई चैंसिरलाई खुकुरीले हानेको बताईएको छ । खुकुरी प्रहारबाट सई चैंसिरको बायाँ पाखुरामा चोट लागेको छ । आक्रमणकारीको खोजी भइरहेको प्रहरीले जनाएको छ ।
