कञ्चनपुर – कञ्चनपुरबाट लागूऔषध खैरो हेरोइन र एक राउण्ड गोलीसहित एक जनालाई पक्राउ परेका छन । बेदकोट नगरपालिका – ९ सुन्दरपुर बस्ने २९ वर्षीय प्रकाश चन्द लागूऔषध खैरो हेरोइन र एक राउण्ड गोलीसहित पक्राउ परेका हुन ।
पक्राउ परेका चन्दको साथबाट करिब १ ग्राम ३७ मिलिग्राम खैरो हेरोइन र एक राउण्ड गोली वरामत गरिएको जिल्ला प्रहरी कार्यालय कञ्चनपुरले जनाएको छ ।
प्रहरी चौकी सुडाबाट खटिएको टोलीले प्रकाशको कोठाबाट उक्त खैरो हेरोइन र गोली फेला पारेको थियो । घटनाको थप अनुसन्धान गरिरहेको प्रहरीले जनाएको छ ।
