बैतडी – बैतडीमा भीरबाट लडेर एक जनाको मृत्यु भएको छ । जिल्लाको पाटन नगरपालिका – ४ बत्थीका ५० वर्षिय जगदिश सिंह महराको आइतबार भिरबाट लडेर मृत्यु भएको हो ।
दिउंसो वडाकै बग्गीचोर भन्ने ठाउँमा महरा भीरबाट लडेर गम्भीर घाइते भएका थिए । लडेर गम्भीर भएका उनलाई उद्धार गरेर पाटन प्राथमिक स्वास्थ्य केन्द्रमा लगिएको थियो ।
उनको उपचारका क्रममा मृत्यु भएको इलाका प्रहरी कार्यालय पाटनका इन्चार्ज योगेश खत्रीले जानकारी दिएका छन ।
