धनगढी – कैलालीमा ट्याक्टर दुर्घटना हुँदा एक जनाको मृत्यु भएको छ । मोहन्याल गाउँपालिका–५ तालबन्दस्थित भित्रि सडक खण्डमा ट्याक्टर दुर्घटना हुँदा गौरीगंगा नगरपालिका–७ का ४५ वर्षीय चक्र बहादुर जेठाराको मृत्यु भएको हो।
से २ त २८५० नम्बरको उक्त ट्याक्टर आफै अनियन्त्रित भएर दुर्घटना हुँदा घाइते भएका जेठाराको उपचारक्रममा मृत्यु भएको जिल्ला प्रहरी कार्यालय कैलालीका डिएसपी कुलदीप चन्दले जानकारी दिएका छन ।
जेठाराको सेती प्रादेशिक अस्पताल धनगढीमा उपचारको क्रममा मृत्यु भएको हो।
दुर्घटनामा मोहन्याल गाउँपालिका–५ की २० वर्षीया निर्मला रोका मगर र सोही ठाउँकी ४० वर्षीया गौमती विक घाइते भएका छन्।
