उपराष्ट्रपतिको निर्वाचनमा मतदान शुरू भएको छ । बानेश्वरस्थित ल्होत्से हलमा उपराष्ट्रपतिको लागि मतदान शुरू भएको हो ।
सत्ता गठबन्धनका तर्फबाट जसपाबाट उम्मेदवार बनेका रामसहायप्रसाद यादवले पहिलो भोट हालेका छन् ।
उपराष्ट्रपतिमा जसपाबाट यादव, एमालेबाट अष्टलक्ष्मी शाक्य र जनमतबाट ममता झा उम्मेदवार छन् । जसपा उम्मेदवारलाई १० दलको समर्थन छ ।
आज दिउसो ३ बजेसम्म मतदानको लागि समय तोकिएको छ । चुनावमा संघीय सांसद र प्रदेशसभा सदस्य गरी ८८२ मतदाता छन् ।
यी मतदाताको कुल मतभारको २६ हजार ३१५ मत कटाउने उम्मेदवार विजयी हुनेछन् ।
मतदान सकिएको केहीबेरमा उपराष्ट्रपतिक मतगणना गर्ने र परिणाम सार्वजनिक गर्ने तयारी निर्वाचन अधिकृतको कार्यालयको छ ।