धनगढी – कैलालीको बर्दगोरिया गाउँपालिकामा फेला परेको शवको पहिचान खुलेको छ । गाउँपालिकाको वडा नम्बर २ बौनियाँ नालामा तैरिँदै गरेको अवस्थामा शव फेला परेको शव स्थानीय ४१ वर्षीय सकै चौधरीको रहेको प्रहरीले जनाएको छ ।
इलाका प्रहरी कार्यालय बौनियाँका अनुसार चौधरी माघ ३ गते देखि बेपत्ता थिए । उनको खोजीका लागी आफन्तले माघ ५ गते बौनियाँ प्रहरीमा निवेदन समेत दिएका थिए ।
बिहीबार बिहान उनको शव देखेपछि स्थानीयले प्रहरीलाई खबर गरेका थिए । उनको मृत्युको कारण भने खुल्न सकेको छैन । शवको शरिरमा चोटपटक लागेको नपाइएको प्रहरीले जनाएको छ ।
