बैतडी – बैतडीमा माविस्तरीय पुरुष भलिबल प्रतियोगिता हुने भएको छ । जिल्लाको दशरथचन्द नगरपालिका ६ मा माघ ८ गतेबाट माविस्तरीय पुरुष भलिबल प्रतियोगिता हुने भएको हो ।
दशरथचन्द नगरपालिका – ६ थालिगडा स्थित कालिका माविको आयोजना तथा गगनचन्द डिभाइन फाउण्डेसनको प्रायोजनमा जिल्लामा माविस्तरीय पुरुष भलिबल प्रतियोगिता हुन लागेको गगनचन्द डिभाइन फाउण्डेसनका संयोजक गोविन्द राज जोशीले जानकारी दिए ।
कालिका माविको ७३ औँ वार्षिकोत्सवको उपलक्ष्यमा श्री गगनचन्द डिभाइन फाउण्डेसनको सहयोगमा प्रतियोगिता हुन लागेको उनले बताए ।
प्रतियोगितामा प्रथम हुने टिमलाई नगद ५१ हजार, शिल्ड र प्रमाण पत्र, द्धितियलाई नगद ३१ हजार, शिल्ड र प्रमाण पत्र र तृतिय स्थान हाशिल गर्ने टिमलाई २१ हजार शिल्ड र प्रमाण पत्र प्रदान गरिने गगनचन्द डिभाइन फाउण्डेसनका संयोजक जोशीले बताए ।