आज सुदूरपश्चिम प्रदेशसभा सभामुखको निर्वाचन हुँदै

धनगढी – सुदूरपश्चिम प्रदेशमा आज सभामुखको निर्वाचन हुँदै छ । दिउसो १ बजे सभामुखको निर्वाचन हुने प्रदेश सभा सचिवालयले जनाएको छ ।

maya metro hospital

निर्वाचन तालिका अनुसार हिजो मनोनयन दर्ता, दाबी विरोध र उम्मेदवारी फिर्ताको समय रहेको थियो । निर्धारित समय भित्र कांग्रेसका मानबहादुर रावल र माओवादी केन्द्रका भीम भण्डारीले सभामुखमा उम्मेदवारी दर्ता गरेका हुन् ।

joshi vada pasal 2
raunak fals and silling

अन्तिम समय सम्म पनि उम्मेदवारी फिर्ता नभएपछि आज यी दुबै बिच सभामुखको लागि चुनाव हुने छ । माओवादी केन्द्रका भण्डारीलाई माओवादी सहित एमाले, नागरिक उन्मुक्ति र राप्रपाको साथ रहेको छ भने कांग्रेसका रावललाई कांग्रेस सहित नेकपा एकीकृत समाजवादीको साथ छ ।

यहाँ एक स्वतन्त्र उम्मेदवार छन् । उनले कता मत दिने भन्ने बारे अझै निर्णय गरिसकेका छैनन्।
५३ जना प्रदेश सभा सदस्य रहेको सुदूरपश्चिम प्रदेशमा कांग्रेसका १९, माओवादी केन्द्रका ११, एमालेका १०, नागरिक उन्मुक्ति पार्टीका ७, नेकपा एकीकृत समाजवादीका ४,राप्रपाका १ र स्वतन्त्र १ सांसद छन् ।

सत्ता गठबन्धनको साथ हुँदा माओवादीका भण्डारी सभामुखको निर्वाचित हुने निश्चित जस्तै छ ।

indreni vansa ghar
सम्बन्धित पाेस्टहरु
प्रतिक्रिया दिनुहोस

Your email address will not be published.