दिपायल सिलगढीको १२ औं नगरसभा सम्पन्न

बिक्रम खड्का/डोटी – दिपायल सिलगढी नगरपालिकाको हिउँदे अधिवेशन सम्पन्न भएको छ । आइतबार सम्पन्न १२ औं नगर सभा एवं अधिवेशनबाट नगर पालिकाले बसपार्क निर्माणमा प्राथमिकता दिइ जमिन खरिद गर्ने योजना पारित गरेको हो ।

maya metro hospital

नगरपालिका भित्र तत्काल बसपार्कको आवश्यकता रहेकाले प्राथमिकताका साथ हिउँदे अधिवेशनमा एक मात्र योजना बसपार्क लागि खरिद गरिने गरि योजना पारित गरिएको नगर प्रमुख बाजी सिंह खड्का (विजय) ले बताए ।

joshi vada pasal 2
raunak fals and silling

उनले भने ‘हाम्रो नगरपालिका जिल्ला भरकै केन्द्र हो, साथै यस जिल्ला भएर धेरै जिल्लाका यात्रुहरु आवत जावत गर्ने गर्दछन् । नगरपालिका भित्र व्यवस्थित वसपार्क अनिवार्य पनि हो । बसपार्क व्यवस्थित नहुँदा बजारमा पार्किङ्गको पनि समस्या रहेको छ । तत्काल यसको समाधान गर्नु पर्ने देखिए पछि यस वर्षको वजेटमा बसपार्क मात्रै अटाएका हौं ।’

नगरपालिकाले हरेक वर्ष यसै गरि नगर गौरवका योजनाहरु अघि सार्ने उनले बताए । योजनाहरु टुक्र्याएर बनाउँदा प्रगति पनि नदेखिने, भने जस्तो काम पनि नहुने भएकाले पनि प्रत्यक वर्ष देखिने खालका ठुला योजनाहरु अघि सारिने उनको भनाई रहेको थियो ।

कार्यक्रमको सभाअध्यक्ष नगरपालिका नगर प्रमुख बाजि सिंह खड्काले गरेका थिए भने, अतिथिमा उपप्रमुख कलावती महर (साउद), निमित्त प्रशासकिय अधिकृत शंकर सुचिकार ,वडा नम्बर १ देखि ९ वडा सम्मका वडा अध्यक्ष लगायत कार्यपालिकाका सदस्यहरुको उपस्थिति रहेको थियो ।

indreni vansa ghar
सम्बन्धित पाेस्टहरु
प्रतिक्रिया दिनुहोस

Your email address will not be published.