पानी नपर्दा सुक्खापन बढ्यो, सुदूरपश्चिममा कुहिरो

पानी नपर्दा देशभर सुक्खापन बढेको छ । पानी नपरेकै कारण प्रदूषण समेत बढ्दै गएको छ । केही दिनअघि केही ठाउँमा फाट्टफुट्ट पानी परे पनि राम्ररी वर्षा भने हुन सकेको छैन । सामान्यतया मंसिर १६ गतेदेखि फागुन १७ गतेसम्मलाई हिउँदे वर्षाको समय मानिन्छ । तर, पुस १२ गते हुँदा समेत खासै पानी परेको छैन ।

maya metro hospital
raunak fals and silling

तत्काललाई पानी पर्ने सम्भावना पनि छैन । मौसमविद् शान्ति कँडेलका अनुसार नेपालमा हिउँदको समयमा वर्षा गराउने प्रमुख भूमिका पश्चिमी वायुको हुन्छ । अहिले नेपालमा पश्चिमी वायुको प्रभाव सामान्य परिरहे पनि त्यो शक्तिशाली नहुँदा पानी पर्न सकेको छैन । यही प्रणालीका कारण उच्च पहाडी र हिमाली जिल्लामा हल्का हिमपात भइरहेको छ । पहाडी जिल्लाको मौसम आंशिकदेखि सामान्य बदली र तराईका जिल्लामा हुस्सु कुहिरो लाग्ने गरेको छ । तर, पानी पार्ने गरी सक्रिय नहुँदा वर्षा भने हुन सकेको छैन ।

joshi vada pasal 2

यसले कृषि क्षेत्रमा पनि असर पर्न थालेको छ । मौसमविद्ले यसअघि नै यसपालिको हिउँदमा औसतभन्दा कम पानी पर्ने बताएका थिए । आज हिमाली जिल्लामा हल्का हिमपातको सम्भावना रहेको मौसमविद्ले बताएका छन् । यस्तै, लुम्बिनी र सुदूरपश्चिमका जिल्लामा हुस्सु कुहिरो लागेको छ । अरु ठाउँको मौसम भने सामान्यता सफा नै रहेको मौसमविद्ले बताएका छन् ।

indreni vansa ghar
सम्बन्धित पाेस्टहरु
प्रतिक्रिया दिनुहोस

Your email address will not be published.