यू–१९ राष्ट्रिय क्रिकेट प्रतियोगितामा सुदुरपश्चिम प्रदेशले लगातार चौथो जित हात पारेको छ । टियू क्रिकेट मैदानमा भएको खेलमा सुदुरपश्चिमले प्रदेश एकलाई २१३ रनले पराजित गरेको हो ।
यो सँगै सुदूरपश्चिम फाइनल नजिक पुगेको छ । सुदुरपश्चिमले दिएको २६५ रनको लक्ष्य पछ्याएको प्रदेश एक १६.३ ओभरमै अलआउट भयो । त्यसअघि पहिले ब्याटिङ गरेको सुदुरपश्चिमले ५० ओभरमा २६४ रन बनाएको थियो । सुदूरपश्चिमले अव बुधबार मधेश र शुक्रबार बागमतीसँग खेल्नेछ । दुई मध्य एक खेलमा जितले फाइनलमा पुग्नेछ ।
सुदूर ४ खेलमा ८ अंकका साथ शीर्ष स्थानमा छ । बागमती ३ खेलमा ६ अंकका साथ दोस्रो स्थानमा छ । ७ प्रदेश सहभागी प्रतियोगिता शीर्ष दुई टोली फाइनलमा पुग्नेछन् । प्रतियोगितामा प्रदेश–१, मधेश प्रदेश,बागमती प्रदेश,गण्डकी प्रदेश,लुम्बिनी प्रदेश,कर्णाली प्रदेश र सुदुरपश्चिम प्रदेशको सहभागिता रहेको छ ।
