वाई वाई यू–१९ राष्ट्रिय क्रिकेट प्रतियोगिता अन्र्तगत त्रिवि मैदानमा सुदूरपश्चिम प्रदेशले गण्डकी प्रदेशलाई २१४ रनको लक्ष्य दिएको छ ।
टस जितेर पहिला ब्याटिङ गरेको सुदूर ४९.३ ओभरमा २१३ रनमा अलआउट भयो । उसका आकाश चन्दले ४०,कप्तान अनुराग सिंहले ३७ रन बनाए । गण्डकीका शुभाष भण्डारीले ३ विकेट हात पारे ।
सुदूर लगातार तेस्रो जितको खोजीमा छ । दुई खेल हारेको गण्डकी पहिलो जितको खोजीमा छ । मंसिर १९ सम्म सञ्चालन हुने प्रतियोगितामा सातवटै प्रदेशको सहभागिता रहेको छ ।
