अत्तरिया – कैलाली क्षेत्र नम्बर ४ मा मतगणना रोचक बनेको छ । एमालेका प्रतिनिधिसभा उम्मदेवार लेखराज भट्ट र गठबन्धनका तर्फबाट उम्मेदवार बनेका वीर बहादुर बलायरले एक अर्कालाई उछिन्ने र पछार्ने क्रम जारी रहदाँ मतगणना रोचक बनेको हो ।
कैलाली ४ अन्तरगत पर्ने मोहन्याल र चुरेका केही वडामा मतगणना गर्दा सुरुवाती अग्रता लिएका बलायरले केही वडाको मतगणनामा पछि परेका थिए । त्यसपछि करिब २८ हजार मत गणना गर्दा सम्म पछाडी परेका बलायरले अहिले पुनः भट्टलाई उछिनेका छन ।
पछिल्लो मत परिणाम अनुसार वीर बहादुर बलायरले १२ हजार ९४३ मत ल्याउँदा भट्टले १२ हजार ५७३ मत ल्याएका छन । अहिले भट्ट र बलायर बीचको मतान्तर ३७० रहेको छ ।
कैलाली क्षेत्र नम्बर ४ अन्तरगत ३० वडा रहेका छन । जसमा मोहन्याल ५, चुरे १, २, ३, ४, ५, ६, गोदावरी नगरपालिका १,२, ८, ९, गौरीगंगा १, २ र ३ को मतगणना सकिएको छ । अहिले गोदावरी ३ र गौरीगंगा ४ को मतगणना जारी रहेको छ । अहिले मगतणना भइरहेका वडामा बलायरले अग्रता लिएका हुन ।