नेकपा एमालेले ललितपुर क्षेत्र नम्बर २ बाट जीतको खाता खोलेको छ । सोमबार राति सम्पन्न निर्वाचनको अन्तिम मतपरिणाम अनुसार एमालेका प्रेम बहादुर महर्जन विजयी भएका हुन् । ललितपुर २ मा सत्ता गठबन्धनबाट उम्मेदवार बनेका एकीकृत समाजवादी पार्टीका कृष्णलाल महर्जन चौथोे भएका छन् ।
प्राप्त अन्तिम मतपरिणाम अनुसार महर्जनले १९ हजार ८३४ मत पाएका छन् भने हाम्रो नेपाली पार्टीका सुदीन शाक्यले १० हजार ४४० मत पाएका छन् । यस्तै राष्ट्रिय स्वतन्त्र पार्टीका बुद्धरत्न महर्जनले १० हजार १३६ मत पाउँदा गठबन्धनका महर्जनले ९ हजार ५३९ मत प्राप्त गरे ।
महर्जन निर्वाचित भएपनि यसबारे प्रक्रिया पुरा गरेर आधिकारिक घोषणा गर्न बाँकी रहेको निर्वाचन अधिकृत दिपशीखा मुनकर्मीले जानकारी दिइन् ।
