बैतडी – बैतडीमा जीप दुर्घटना हुँदा पाँच जना घाइते भएका छन् । सु.प.प्र ०१ ज १३९७ नम्बरको जीप बिहीबार बिहान लेट्ठेकोट भन्ने स्थानमा दुर्घटनामा परेको हो ।
गोकुलेश्वरबाट डिलाशैनी गाउँपालिकाको केन्द्र धामीगाउँ जाँदै गरेको जीप सडकबाट ८० मिटर तल खसेको थियो । उक्त दुर्घटनामा ५ जना घाइते भएको जिल्ला प्रहरी कार्यालय बैतडीले जनाएको छ ।
घाइते भएकाहरुलाई गोकुलेश्वर अस्पताल पुर्याउने काम भइरहेको प्रहरीले जनाएको छ ।
