डोटी – डोटी लगायत सुदूरपश्चिमका पहाडी जिल्लामा असिना पानी परेको छ । मंगलबार यस क्षेत्रमा भारी वर्षा हुनुका साथै ठूलो असिना परेको हो । जिल्ला प्रहरी कार्यालय डोटीका अनुसार आदर्श र सायल गाउँपालिकाकासाथै जिल्लाका विभिन्न स्थानमा यतिबेला भारी वर्षासँगै असिना परको छ ।
आज अपरान्ह ४ बजेबाट असिना पानी परेको सुदूरपश्चिम प्रदेश सरकारकी पूर्व आन्तरिक मामिला तथा कानुन मन्त्री पूर्णा जोशीले बताइन् । उनले अहिले आफू डोटीको आदर्श गाउँपालिकामा रहेको र असिना पानीले ठूलो क्षति पु¥याएको बताएकी छन् ।
केही दिन पहिले भएको अविरल वर्षाका कारण ठूलो क्षति पुगेकोमा आज अकल्पनीय रुपमा आएको असिना पानीले भित्र्याउने बेलाको धान खेती सखाप पारेको जोशीले बताइन् ।
उता बझाङमा पनि असिना पानीले धान बालिमा क्षति गरेको स्थानीयले बताएका छन ।