अत्तरिया – कैलालीको अत्तरियामा भाई ग्याङले तिहारको अवसरमा तिहार फेस्ट लाइभ इभेन्टको आयोजना गर्ने भएको छ । यही कार्तिक ६ गते भाई ग्याङले राष्ट्रिय स्तरका -यापरहरुको सहभागितामा इभेन्टको आयोजना गर्न लागेको हो ।
इभेन्टमा भाईबर साइमन, कुल ब्वाई, एभि द गोट लगायतका राष्ट्रिय तथा स्थानीय -यापरका साथै अन्य कलाकारले प्रस्तुती दिने भाई ग्याङका अध्यक्ष आशिष धामीले बताए ।
अत्तरियाको नमस्ते पार्टी प्यालेसमा हुने इभेन्टमा करिब ५ सय दर्शकको सहभागिता रहने आयोजकले जनाएको छ । भाई ग्याङका अध्यक्ष धामीले आफूहरुले अत्तरियामा पहिलो पटक युवाहरुलाई समेटेर यस्तो कार्यक्रमको आयोजना गरेको बताए । उनले आगामी दिनमा भाई ग्याङ मार्फत बिभिन्न सामाजिक काम गर्ने योजना रहेको बताए ।
