अत्तरिया – कैलालीको अत्तरिया बसपार्कमा एक पुरुषको शव फेला परेको छ । शनिबार बिहान बसपार्क भित्र रहेको प्रतिक्षालयको पेटीमा वेवारिस अवस्थामा शव फेला परेको हो ।
निलो जिन्स पाइन्ट, निलो रङको सर्ट, तालु खुइलिएको, मंगोलियन मुलुक जस्तो देखिने अन्दाजी ५५/६० वर्षीय पुरुषको शव फेला परेको जिल्ला प्रहरी कार्यालय कैलालीका डिएसपी वेदप्रकाश जोशीले बताएका छन ।
उनका अनुसार शवको पहिचान खुल्न सकेको छैन । शव पोष्टमार्टमका लागि धनगढीस्थित सेती प्रादेशिक अस्पतालमा राखिएको प्रहरीले जनाएको छ ।
