अत्तरिया – कैलालीको गोदावरी नगरपालिका वडा नं. ३ चौँकिडाँडामा घाईते अवस्थामा रहेका गाईका बाच्छाहरुको गोदावरी नगरपालिकाले उपचार गरिरहेको छ ।
नगरपालिकाले वडा नं. ३ मा रहेको सुकुम्बासी बस्ती नजिकै गाडीले ठोकेर घाईते बनाएका दुई ओटा बाच्छाहरुको उपचार गरिरहेको हो । नगरपालिकाका नगरप्रमुख विरेन्द्र भट्टको निर्देशनमा उक्त बाच्छाहरुलाई नगरपालिकाकै उपचार केन्द्रमा ल्याएर उपचार गराईरहेको नगरप्रमुख भट्टका स्वकिय सचिव दिलिप कुमार साउँदले बताए ।
घाईते अवस्थामा रहेका दुई ओटा बाच्छाहरु मध्ये एउटाको अगाडीको एउटा खुट्टा टुटेको छ भने अर्काे बाच्छाको ढाड नै भाँचिएको छ । खुट्टा टुटेको बाच्छाको खुट्टाको उपचार भैरहेको नगरपालिकाका पशु शाखाका कर्मचारी टेक शाहु ले बताए । उनले अर्काे बाच्छालाई भने अन्य कुनै उपचार नहुने भएकाले घाउँ पुरिने र दुखाई नहुने औषधी दिईने बताए ।