धनगढी –आफ्नै घरमा काम गर्न राखेकी एक युवतीलाई जबरजस्ती करणी गरेको आरोपमा बैतडीका एक पुरुष पक्राउ परेका छन । सिगास गाँउपालिका – ५ घर भइ हाल भक्तपुरको मध्यपुर थिमि नगरपालिका – ९ बोडे बस्ने टेकबहादुर चन्द जबरजस्ती करणीको अरोपमा पक्राउ परेका हुन ।
उनीमाथि भक्तपुरमा रहेको घरमा काम गर्ने १९ बर्षिय युवतीलाई जबजस्ती करणी गरेको आरोप लागेपछि प्रहरीले पक्राउ गरेको प्रहरी वृत्त थिमिले जनाएको छ । उनले युवतीलाई पटक–पटक बलात्कार गरेको आरोप लागेको छ ।
पक्राउ परेका चन्दलाई अदालतबाट म्याद थपको अनुमति लिएर थप अनुसन्धान भइरहेको प्रहरीले जनाएको छ ।
