अत्तरिया – कैलालीको गोदावरी नगरपालिका – १ अत्तरियाकी श्रृष्टि ताम्राकारको जन्मदिन सेभ हाउसमा मनाइएको छ । श्रृष्टिको ११ औं जन्मोत्सव गोदावरी नगरपालिका – २ अत्तरियामा रहेको महिला तथा बालबालिका सेभ हाउसमा मनाइएको हो ।
जन्मदिनको अवसरमा सेभ हाउसमा रहेका बालबालिका संगै जन्मदिको केक काटेर शुभकामना आदान–प्रदान गरिएको थियो ।
श्रृष्टिका बुवा राम ताम्राकारले छोरीको जन्मोत्सवको अवसरमा बालबालिकालाई एक छाक खाना पनि खुवाएको बताए । उनले जन्मदिनमा अन्य फजुल खर्च गर्नुभन्दा अनाथ, टुहुरा र बेसाहार बालबालिका संग रमाईलो गर्दै जन्मदिन मनाएको बताए । उनले सो अवसरमा एक थान खाना पकाउने ज्ञास सिलेण्डर पनि सेभ हाउसलाई सहयोग गरेका थिए ।
