अत्तरिया – कैलालीको अत्तरियामा रहेको शिव मन्दिरमा देउडा खेल्नेको घुइचो लागेको छ । गौराको अवसरमा भएको मेलामा बिभिन्न समुह बनाएर देउडा खेल्नेको घुइचो लागेको हो ।
उक्त मन्दिरमा गौरा पर्वको अवसरमा ७ दिन सम्म मेला लाग्ने गर्दछ । आज मेलाको अन्तिम दिन ठूलो संख्यामा भक्तजनहरुको सहभागिता रहेको मन्दिरका पुजारी काली नाथ योगीले बताए । उनले आजै गौरा सेलाईएको बताए ।
मन्दिरमा बिभिन्न समुह बनाएर महिला तथा पुरुषहरुले छुट्टाछुटै देउडा खेलिरहेका छन । विगतका बर्षहरुमा यस मन्दिरमा औपचारीक रुपमा देउडा प्रतियोगिता हुँदै आएका भएपनि यस बर्ष भने सस्फुर्त रुपमा देउडा खेल खेलिएको छ ।
