धनगढी – कैलालीको धनगढीकी १६ वर्षीया किशोरी आस्था शर्माको शव फेला परेको छ । सोमबार घरबाट बेपत्ता भएकी धनगढी उपमहानगरपलिका– १३ की शर्माको शव शुक्रबार मोहना नदीमा भेटिएको हो ।
सोमबार देखी नै खोजतलासीमा जुटेको प्रहरीले शुक्रबार बिहान मोहना नदिमा एउटा शव भेटेको थियो । उक्त शवको पहिचान गर्न प्रहरीले शवको तलासी सुरु गरेको थियो ।
तलासीका क्रममा मृतक शर्माले लगाएको ट्रयाकको खल्तीमा कविता लेखिएको कागज भेटिएको र उक्त कविताको अन्तमा शर्माको नाम लेखिएको प्रहरीले जनाएको छ ।
उक्त शवमा चोटपटक नभेटिएको र घटनाको थप अनुसन्धान भइरहेको जिल्ला प्रहरी कार्यालय कैलालीले जनाएको छ ।
