धनगढीबाट हराएकी आस्थाको खोजिका लागि सहयोग गरिदिन प्रहरीको अनुरोध

अत्तरिया – कैलालीको धनगढीबाट हराएकी आस्था शर्माको खोजिका लागि प्रहरीले सार्वजनिक रुपमा सहयोगको अपिल गरेको छ । जिल्ला प्रहरी कार्यालय कैलालीले आफ्नो फेसबुक पेज मार्फत धनगढी उप–महानगरपालिका – १३ की आस्थाको खोजिका लागि अपिल गरेको हो ।

आस्था भदौ २० गते देखि बेपत्ता भएकी थिइन् । धनगढीमै रहेको त्रिभुवन माध्यमिक विद्यालयमा कक्षा ८ मा अध्ययनरत उनी घरबाट विद्यालय जान्छु भनेर निस्किएकी थिइन् ।

प्रहरीले घटनाको जानकारी पछि हराएकी दिन देखि सुदूरपश्चिम प्रदेश प्रहरी कार्यालय र जिल्ला प्रहरी कार्यालय कैलालीको टोलिले खोजि गर्दा पनि फेला नपारेको जनाएको छ ।

प्रहरीले फोटो समेत सार्वजनिक गर्दै फोटोको आधारमा उनलाई चिन्ने, देख्ने वा कोही कसैको सम्पर्कमा आएमा नजिकको प्रहरी कार्यालयमा सम्पर्क गरी खोजतलास कार्यमा सहयोग गरिदिन अनुरोध गरेको छ ।