बैतडीमा वर्षाले बन्द भएका सडक खुलेनन्

बैतडी – वर्षाले बन्द भएका बैतडीका ग्रामीण सडक अझैसम्म खुलेका छैनन । वर्षायाम सुरु हुनासाथ जिल्लामा सबैजसो ग्रामीण सडकहरू बन्द भएका थिए । स्थानीय तहले जथाभावी खनेका सडकहरू वर्षा सुरु हुनासाथ बन्द भएर गाडी नचल्ने भइसकेका थिए ।

maya metro hospital

पञ्चेश्वर गाउँपालिकामा वर्षायाम सुरु हुनासाथ बन्द सडकहरू अझै नखुलेका स्थानीय मोहन बहादुर चन्दले बताए । उनका अनुसार कुलाउ–डिम्बरघाट, सेरी–बैसेक लगायतका पालिकाका ग्रामीण सडकहरू ठप्प छन । यसले गर्दा स्थानीयलाई पैदल हिँडेर आवतजावत गर्नुपर्ने बाध्यता भएको छ । ‘बिरामी पर्दा पनि गाह्रो भएको छ । बोकेरै लैजानुपर्ने अवस्था छ,’ उनले भने, ‘गाउँघरमा सडक पुगेर सुविधा पाएका स्थानीय वर्षा सुरु भयो कि गाडी चढ्नै पाउँदैनन ।’

joshi vada pasal 2

दोगाडकेदार गाउँपालिकामा पनि ग्रामीण सडकहरू सबै बन्द भएका वडा नम्बर–२ का स्थानीय अर्जुनबहादुर कुँवरले बताए । पालिकाका खोचलेक–सित्तड, खोचलेक–कटौजपानी, खोचलेक–ढिक्गाड हुँदै रिम सडक ठप्पै भएका उनले बताए ।

यस्तै खोचलेक–चडेपानी, ढिक्गाड–धमाली हुँदै गडगडे जाने सडक पनि बन्द रहेको उनले बताए । लामो समयसम्म सडकहरू बन्द हुँदा स्थानीय समस्यामा परेका उनको भनाइ छ । उनले भने, ‘ग्रामीण भेगमा त सडकको सुविधा पुग्यो भनेर खुसी मान्नु पनि बेकार छ । सडक कमै सञ्चालनमा आएर धेरै दिन बन्द हुन्छन । आजभोली हिँडेरै ओहोरदोहोर गर्नुपरिरहेको छ ।’ सडक बन्दले गर्दा सबैभन्दा बढी समस्या बिरामी पर्दा हुने गरेको उनले सुनाए ।

पुरचौडी नगरपालिकाभित्रका वडा जोड्ने सबै ग्रामीण सडकहरू पनि बन्द रहेका वडा नम्बर–५ का स्थानीय कर्णबहादुर बोहराले बताए । वर्षाले गर्दा नै सडकहरू बन्द भएका उनले बताए । उनले भने, ‘पानी परेपछि अधिकांश सडकहरूमा गाडी चल्न सक्दैनन । साँझ पानी परेपछि बिहान चल्दैनन । बिहान पानी परे साँझ चल्दैनन ।’

बन्द भएका ग्रामीण सडकहरू खुलाउने कार्य सुरु भइसकेको पञ्चेश्वर गाउँपालिकाका अध्यक्ष गोरखबहादुर चन्द बताउँछन । ‘वर्षात्मा जति बनाए पनि भत्किहाल्छन्,’ उनले भने, ‘त्यसैले ढिलो गरी बनाउन थालेका छौं ।’

प्रतिक्रिया दिनुहोस

Your email address will not be published.