धनगढी – सुदूरपश्चिम प्रदेशसभाको दसौं अधिवेशन आज (शुक्रबार) देखि अन्त्य हुने भएको छ । बिहीबार बसेको प्रदेश सरकार मन्त्रिपरिषद्को बैठकले प्रदेशसभाको १० औं अधिवेशन अन्त्यका लागि प्रदेश प्रमुख समक्ष सिफारिस गरेको थियो ।
सचिवालयका अनुसार सुदूरपश्चिम प्रदेशसभाले पाँच वर्ष अवधिमा ६६ वटा विधेयकहरु पारित गरेको छ । अन्तिम दिन प्रदेश सवारी तथा यातायात सम्बन्धी व्यवस्था गर्न बनेको विधेयक पारित भएको हो ।
बैठकको औपचारिक समापनपछि प्रदेश सभाको प्रांगणमा विशेष कार्यक्रम आयोजना गरिने सचिवालयले जनाएको छ । त्यहाँ प्रदेशसभाको पाँच वर्ष अवधिको समीक्षा हुनेछ । सांसदहरुले आ–आफ्ना धारणाहरु राख्नेछन् ।
