सुदूरपश्चिममा अझै पुग्न सकेनन् पाठ्यपुस्तक

अछाम – शैक्षिक सत्र सुरु भएको साढे तीन महिना पुग्न लाग्दा पनि सुदूरपश्चिमका पहाडी जिल्लाका सामुदायिक विद्यालयमा पाठ्यपुस्तक पुग्न सकेको छैन । विद्यार्थीको भौतिक उपस्थितिमै पठनपाठन सुरु भएको लामो समय भइसके पनि पुस्तक नपुग्दा पठनपाठन प्रभावित भइरहेको शिक्षक, विद्यार्थीले गुनासो गरेका छन ।

‘४० प्रतिशत जति कोर्स पढाएर सकिने बेला भइसक्यो तर अहिलेसम्म नेपाली विषयको पुस्तक पाएका छैनौं । दिदीदाइले अघिल्लो वर्ष पढेका पुस्तककै भर पर्नुपरेको छ । दिदीदाइ हुनेले त पढ्न पाएका छन्, तर मेरो त त्यस्तो छैन,’ अछामको मंगलसेनस्थित शोडषा माविमा कक्षा ६ मा पढ्ने रमिता बोगटीले भनिन्, ‘स्कुलमा सरले पढाएकै आधार मात्रै छ । घरमा पढ्नलाई पुस्तक नै छैन ।’

joshi vada pasal 2

एसईईको तयारी गरिरहेका विद्यार्थीले समेत समयमै पाठ्यपुस्तक नपाउँदा पुराना पुस्तककै भरमा आलोपालो गर्दै पढिरहनुपरेको गुनासो गरे । ‘पढाइ सुरु भएको यत्रो समय भइसक्यो । हामीले ऐच्छिक विषयका पुस्तक नै पाएका छैनौं,’ शोडषा माविमा कक्षा १० मा अध्ययनरत विष्णु ढुंगानाले भने, ‘हेडसरलाई पुस्तक कहिले आउँछ भनेर सोधेको सोध्यै छौं । आउँछ आउँछ मात्र भन्नुहुन्छ तर कहिले आउँछ थाहै छैन ।’

bishal shuit house

जेठमै शैक्षिक सत्र सुरु भए पनि अझै केही कक्षाका पाठ्यपुस्तक आउन बाँकी रहेको शोडषा माविका प्रधानाध्यापक मदन कुँवरले बताए । जनक शिक्षाले जिल्लाका व्ययसायीलाई पुस्तक पठाउने र त्यहाँबाट विद्यालयले खरिद गर्ने प्रक्रिया छ । तर, अहिलेसम्म पुस्तक नआएपछि पढाउनै समस्या भइरहेको रहफस्थित नेरा आधारभूत विद्यालयका प्रधानाध्यापक गणेशबहादुर रावलले बताए । विद्यार्थीले पुस्तक नपाएपछि च्यातिएका पुराना पुस्तक सँगालेर अध्ययन गराइरहेको उनको भनाइ छ ।

maya metro hospital

बैतडीमा पनि विद्यार्थीले अझै पाठ्यपुस्तक पाउन सकेका छैनन । आफ्नो विद्यालयमा कक्षा ६ का विद्यार्थीले किताब पाउन नसकेको ज्ञानेश्वर माविका सहायक प्रधानाध्यापक धनबहादुर महराले बताए । ‘सबै विद्यार्थीको हातमा पुस्तक नभई पढाउँदा विद्यार्थी र शिक्षक दुवैलाई समस्या हुने गर्छ,’ उनले भने, ‘यसले नतिजासम्मै प्रभाव पार्छ ।’ हाललाई विद्यालयले नै पुस्तक व्यवस्थापन गरेर आलोपालो विद्यार्थीलाई वितरण गरिरहेको उनले बताए ।

पाटनको ज्ञानेश्वर माविमा पहिलो त्रैमासिक परीक्षा सकिएपछि केही दिनअघि मात्रै केही पुस्तक पुगेका छन । सहायक प्रधानाध्यापक गणेश अवस्थीले भने, ‘६ र ८ कक्षाका केही पुस्तक अझै आउन बाँकी छ ।’ आफ्नो विद्यालयमा पनि सबै कक्षाका सबै पुस्तकहरू पूरा नपुगेका सिगास गाउँपालिकाको ढुंगाडस्थित शारदा माविका प्रधानाध्यापक मीनबहादुर चन्दले बताए ।

यता, शिक्षा विकास तथा समन्वय इकाइका सूचना अधिकारी पुष्करराज शर्माले बैतडीमा ४, ७ र ९ कक्षाका पाठ्यपुस्तकको अभाव भएको बताए । धेरै पुस्तक पुगे पनि केही बाँकी रहेको उनले दाबी गरे । बाँकी पुस्तक केही समयभित्रै आइपुग्ने जानकारी केन्द्रबाट आएको उनले बताए ।

texas
सम्बन्धित पाेस्टहरु
प्रतिक्रिया दिनुहोस

Your email address will not be published.