कञ्चनपुर– कञ्चनपुरमा कार र मोटरसाइकल एक आपसमा ठोक्किदा २ जना घाइते भएका छन । पुनर्वास नगरपालिका – ५ को दोधा र सिमरी बीचको हुलाकी सडकखण्डमा भएको दुर्घटनामा मोटरसाइकल चालक अर्जुन चौधरी र पछाडि सवार २३ वर्षीय जीवन चौधरी घाइते भएका हुन ।
शुक्रबार दिउसो बेलौरीबाट धनगढीतर्फ आइरहेको सुपप्र ३–०१–०२२ च ९४९२ को कार र धनगढीबाट बेलौरीतर्फ गइरहेको गरेको सुपप्र ०२–००३ प–५०८२ को मोटरसाइकल आपसमा ठोक्किएका थिए ।
बलदेवसिंह बुडालले चलाएको कारले मोटरसाइकललाई ठक्कर दिएपछि दुर्घटना भएको जिल्ला प्रहरी कार्यालय कैलालीले जनाएको छ ।
दुर्घटनामा घाइते उनीहरुको धनगढीस्थित सेती अस्पतालमा उपचार भैरहेको प्रहरीले जनाएको छ ।