भारतीय फुटबलमाथि फिफाले प्रतिबन्ध लगायो

 

फुटबलको सर्वोच्च निकाय फिफाले भारतमाथि अनिश्चितकालका लागि प्रतिबन्ध लगाएको छ । यसअघि दिइएको आफ्नो चेतावनी नमानेपछि फिफाले भारतमाथि प्रतिबन्ध लगाएको हो ।

bishal shuit house

फिफाले यसअघि अल इन्डिया फुटबल फेडेरेसन (एआईएफएफ) लाई पटकपटक चेतावनी दिएको थियो । भारतको सर्वोच्च अदालतले एआईएफएफमा चुनाव गराउन निर्देशन दिँदै आफ्नै बोर्ड गठन गरेपछि फिफाले त्यसो नगर्न चेतावनी दिएको थियो । तर, फुटबलको निकायलाई स्वतन्त्र चुनाव गराउन वातावरण नदिएपछि फिफाले प्रतिबन्ध लगाएको हो ।

joshi vada pasal 2

फिफाले अदालतको आदेश हटे निलम्बन फुकुवा गर्नेछ । फिफाको यो निर्णयसँगै भारतले अब अन्तर्राष्ट्रिय रुपमा क्लब तथा राष्ट्रिय टोलीको प्रतियोगिता खेल्न पाउने छैन । यसको प्रत्यक्ष असर यू–१७ महिला विश्वकपलाई पर्ने देखिएको छ ।

यू–१७ महिला विश्वकप आगामी अक्टोबर ११ देखि ३० सम्म भारतमा हुने तालिका छ । प्रतिबन्धसँगै अब यो विश्वकप पनि भारतबाटै अन्य देशमा सार्ने तयारी भएको छ ।

texas
सम्बन्धित पाेस्टहरु
प्रतिक्रिया दिनुहोस

Your email address will not be published.