अत्तरिया – कैलालीको गोदावरी नगरपालिका भित्र निर्माण गरिएका पुराना भवनको अभिलेखीकरण गरिने भएको छ । नगरपालिकाले पुराना भवनहरुको अभिलेख व्यवस्थापन सम्बन्धी निर्देशिका २०७९ अनुसार पुराना भवनको अभिलेखीकरण गर्न लागेको हो ।
जस अन्तरगत २०७२ साल भन्दा अगाडी निर्माण भएका तर, भवन निर्माण सम्बन्धी संहिता २०६४, वस्ती विकास, सहरी योजना तथा भवन निर्माण सम्बन्धी आधारभूत मापदण्ड, २०७२ र नगरपालिकाको भवन मापदण्ड अनुसार निर्माण तथा नक्सा पास नभएका कारण निर्माण सम्पन्न प्रमाणपत्र लिन नसकेका भवनहरुको अभिलेखीकरण गर्न लागिएको जनाइएको छ ।
बुधबार नगरपालिकाका प्रमुख प्रशासकीय अधिकृत बसन्त कुमार खत्रीद्धारा जारी गरिएको सूचनामा २०७९ पौष मसान्त सम्म सम्बन्धीत वडा कार्यालयबाट निवेदनको ढाँचा लिएर विवरण पेश गर्न भनिएको छ ।
