धनगढी – धनगढी उपमहानगरपालिकाकी उपप्रमुखसहित एमालेबाट निर्वाचित जनप्रतिनिधीको असहमतिमा उपमहानगरपालिकाको आगामी आर्थिक वर्ष २०७९/८० को बजेट पारित भएको छ ।
सोमबार बसेको आठौं नगर सभाको तेस्रो बैठकमा उपप्रमुख कन्दकला रानासहित एमालेबाट निर्वाचित जनप्रतिनिधिहरुले असहमति जनाउँदा पनि नगर प्रमुख गोपाल हमालले आगामी आर्थिक वर्षको बजेट बहुमतले पास भएको घोषणा गरेका हुन । उपप्रमुख रानाले आफू योजना तर्जुमा संयोजक भएपनि जानकारी नदिएको भन्दै बजेटमाथिको छलफल लम्ब्याउन उनले अडान राखेकी थिइन् ।
नगर प्रमुख हमालले बजेट पास भएको घोषणा गरेपछि पनि उनले यो निर्णयमा आफ्नो कुनै सहमति नभएको प्रतिक्रिया दिइन् । उपप्रमुख रानाले उपमहानगरपालिकाको वार्षिक कार्यक्रम पुस्तिका विधि र प्रक्रिया विपरित आएको भनेपछि दुई पक्षबीच चर्काचर्की भएको थियो ।
काँग्रेसका जनप्रतिनिधिहरूले पारित गर्न दबाब दिएपछि नगर प्रमुख हमालले बहुमतले पारित भएको सभामा जानकारी गराए ।
धनगढीका मेयर र उपमेयरबिच चर्काचर्की