बैतडी – बैतडीमा जीप दुर्घटना हुँदा १ जना घाइते भएका छन । पाटन –पञ्चेश्वर सडकखण्ड अन्तर्गत पाटन नगरपालिका – ६ मेलतडा भन्ने स्थानमा जीप दुर्घटना भएको हो ।
मेलौलीबाट पाटन तर्फ आउँदै गरेको सुप प्र.०१–००१च ३१२५ नम्बरको जीप (टाटासुमो) दुर्घटना हुँदा पाटन नगरपालिका – ६ का आशीष पहरी समान्य घाइते भएको जिल्ला प्रहरी कार्यालयका प्रहरी निरीक्षक मोहनबहादुर साउँदले बताएका छन ।
उनको पाटन प्राथमिक स्वास्थ्य केन्द्रमा उपचार भईरहेको प्रहरीले जनाएको छ ।
