अत्तरिया – सुदूरपश्चिममा थप २६ जनामा कोरोना संक्रमण पुष्टि भएको छ ।
शुक्रबार प्रदेशका विभिन्न प्रयोगशालाहरुमा गरिएको ४ सय ९८ जनाको एन्टिजेन परिक्षणमा ५ जना र ९१ जनाको पिसिआर परिक्षणमा २१ जना गरी २६ जनामा संक्रमण पुष्टि भएको हो ।
यससगै प्रदेशमा कुल संक्रमितको संख्या ४७ हजार ५ सय ६७ पुगेको छ । स्वास्थ्य निर्देशनालय डोटीका अनुसार प्रदेशमा शुक्रबार १२ जना संक्रमित डिस्चार्ज भएका छन ।
यससँगै प्रदेशमा डिस्चार्ज हुनेको संख्या ३७ हजार ६ सय ५१ पुगेको छ । शुक्रबार प्रदेशमा कोरोना संक्रमणका कारण कुनै पनि व्यक्तिको निधन नभएको निर्देशनालयले जनाएको छ ।
