टीकापुर – बेमौषमी वर्षाका कारण आएको बाढिले प्रभावित भएका क्षेत्रका परिवारलाइ खाधान्न सहयोग गरिएको छ ।
नबिल बैंक लिमिटेडले बाढी प्रभावित क्षेत्र टीकापुर नगरपालिका वार्ड नं ८ बटनपुरका करीब एक हजार परिवारलाई खाद्य राहत सामाग्री सहयोग गरेको हो ।
बैंकले राहत स्वरुप ८ हजार ४० पाकेट वाइ वाइ चाउचाउ, २ हजार १ सय पाकेट रियो जुुस, २ हजार बोटल पानी र १ हजार केजी चिउरा उपलब्ध गराएको बैंकका टिकापुर शाखा प्रवन्धक तेज भट्टले बताए ।
उनले वडाध्यक्ष दिर्घ ठकुल्लाको रोहबरमा राहत सामाग्री उपलब्ध गराएको बताए । हालै भएको अबिरल वर्षाका कारण कर्णाली नदीमा आएको बाढीले टीकापुर क्षेत्र डुबान हुदा हजारौ परिवार समस्यामा परेका थिए ।
यस्तो प्राकृतिक विपतको घडीमा तत्काल राहत उपलब्ध गराउनु आवश्यक रहेकोले टीकापुर नगरपालिकाको विपद व्यवस्थापन समिति र चौधरी फाउण्डेसनको सहकार्यमा बैंकले सामाजिक उत्तरदायित्व निर्बाह गर्दै यथाशिघ्र सहयोग उपलब्ध गराएको हो ।
