अत्तरिया – सुदूरपश्चिममा थप १६ जना कोरोना संक्रमित थपिएका छन ।
प्रदेशका विभिन्न प्रयोगशालाहरुमा बुधबार गरिएको ४ सय २७ जनाको एन्टिजेन परिक्षणमा ३ जना र ५२ जनाको पिसिआर परिक्षणमा १३ जना गरी १६ जना संक्रमित थपिएका हुन ।
यससँगै प्रदेशमा कुल संक्रमितको संख्या ४७ हजार ५ सय २१ पुगेको स्वास्थ्य निर्देशनालय डोटीले जनाएको छ । यसैगरी प्रदेशमा बुधबार २८ जना कोरोना संक्रमित डिस्चार्ज भएसँगै डिस्चार्ज हुनेको संख्या ३७ हजार ६ सय २० पुगेको छ ।
निर्देशनालयका अनुसार बुधबार प्रदेशका कुनै पनि स्थानमा कोरोना संक्रमितको निधन भएको छैन ।
यसैबिच सोमबार देखी परेको अविरल वर्षाका कारण विद्युत सेवा अवरुद्ध हुदाँ पहाडी जिल्लाको दैनिक रिपोर्ट प्राप्त नभएको निर्देशनालयले जनाएको छ ।
