धनगढी – बडादशै अन्र्तगत अष्टमीका दिन बैतडीका विभिन्न मन्दिरहरुमा ४ सय २४ राँगाको बलि चढाइएको छ ।
सबैभन्दा बढी बली चढाईने बैतडीको प्रसिद्ध निगंलाशैनी भगवती मन्दिर देहीमाण्डौंमा अष्टमीका दिन ३ सय ३० राँगाको बली चढाईएको हो भने मेलौलीमा ९५ राँगाको बलि चढाइएको छ ।
राँगा सँगै ३ सय भन्दा बढी बोकाहरुको पनि बली चढाईएको स्थानियहरुले बताएका छन । यो सँगै प्रत्येक वर्ष असोज अष्टमीका दिन लाग्ने मेला बुधवार सम्पन्न भएको छ ।
सुदूरपश्चिमकै सबैभन्दा बढी बलि दिइने निंगलाशैनी भगवतीको मन्दिरमा मेला हेर्नका लागि बैतडीसहित प्रदेशका विभिन्न जिल्लाहरु सँगै भारतको पिथौरागढबाट समेत दर्शनार्थीहरु आउने गरेका छन् ।
