अत्तरिया –बैतडीमा ट्याक्टर दुर्घटना हुँदा एक जनाको मृत्यु भएको छ।
दुर्घटनामा जिल्लाको डिलाशैनी गाउँपालिका-३ पंसेराका २३ वर्षीय योगेश पालको मृत्यु भएको हो।
मृतक योगेश नेकपा एमाले बैतडीका जिल्ला अध्यक्ष सुरेन्द्र पालका छोरा हुन्।
गए राति गोकुलेश्वरदेखि सतंबाज आउँदै गरेको ट्याक्टर साढे १२ बजे दोगडाकेदार गाउँपालिका वडा नम्बर ३ को तारलमा दुर्घटना भएकाे प्रहरीले जनाएको छ ।
आफैले चलाएको ट्याक्टर दुर्घटनामा पर्दा गम्भीर घाईते उनकाे जिल्ला अस्पताल बैतडीमा उपचारका क्रममा मृत्यु भएको जिल्ला प्रहरी कार्यालय बैतडीका प्रवक्ता बोधराज ओझाले बताए ।
दुर्घटनामा सोही ठाउँका रुपेश कोली घाइते भएकाे प्रवत्ता ओझाले बताए । उनको जिल्ला अस्पतालमा उपचार भइरहेको र अवस्था सामान्य रहेको ओझाले बताए।
दुर्घटनाको कारण भने खुलेको छैन।
