बैतडी – बैतडीको सतबाँझ–गोकुलेश्वर सडकखण्डको धरमघरमा पहिरो खस्दा राजमार्ग अवरुद्ध भएको छ ।
आज बिहानै सडक माथिबाट खसेको पहिरोले राजमार्ग अवरुद्ध भएको बैतडीका प्रहरी प्रवक्ता, प्रहरी निरीक्षक बोधराज ओझाले जानकारी दिए ।
अवरुद्ध राजमार्ग खुलाउने प्रयास भइरहेको उने बताए । राजमार्ग पूर्ण रूपमा अवरुद्ध हुँदा सवारीसाधन रोकिएपछि यात्रुहरू अलपत्र परेका छन् ।
सडक विस्तारको काम चलिरहेको उक्त सडकखण्डमा बेलाबेला पहिरो खस्ने गरेको बताईएको छ । गत असारदेखि हालसम्म पहिरोका कारण उक्त क्षेत्रमा १५ भन्दा बढी पटक सडक अवरुद्ध भएको ट्राफिक प्रहरीले जनाएको छ ।
