धनगढी – कर्णाली नदीमा डुुङ्गा दुर्घटना हुुँदा बेपत्ता भएकी कैलालीको मोहन्याल गाउँपालिका–३ की उर्मिला सलामीमगरको शव फेला परेका छ ।
साउन १७ गते देखि बेपत्ता सलामीमगरको लम्कीचुहा नगरपालिका–३ को कर्णाली नदीको बीच भागमा शव भेटिएको हो ।
शवको तत्काल पहिचान नभएपछि उनका श्रीमान करन सलामीमगरले सनाखत गरेको जिल्ला प्रहरी कार्यालय कैलालीले जनाएको छ । साउन १७ गते मोहन्याल गाउँपालिकाबाट सुर्खेतको चौकुुने जाने क्रममा कर्णाली नदीमा डुुङ्गा दुर्घटना भएको थियो ।
दुुर्घटनामा परेर मोहन्याल गाउँपालिका–३ की २० वर्षीया उर्मिला सलामीमगर, उनको १० दिनको छोरा र सोही ठाउँकी २० वर्षीया पार्वती थापा बेपत्ता भएका थिए । दुर्घटनामा परेर घाइते भएकी मोहन्याल–३ कै धनसरा सलामीमगरको मृत्यु भएको थियो ।
